Where The Red Kite Flies - Amanda Jackson

ARDDANGOSFA YR ŴYL

LLEOLIAD: COED PELLA

AR AGOR: DYDD LLUN 7 HYDREF - Dydd Mawrth 31 HYDREF // Amser: TBC

Mae’n bleser gennym groesawu’r ffotograffydd Amanda Jackson yn ôl i’r Northern Eye. Roedd Amanda yn siaradwr gwadd yn ein gŵyl gyntaf nôl yn 2017 ac rydym ni’n falch iawn o rannu ei gwaith newydd efo chi.

Yn wreiddiol o Ganada, symudodd Amanda i Brydain yn 2001 ac mae hi’n frwdfrydig dros fyw’n gynaliadwy a materion amgylcheddol.

Mae cyfres ‘Where the Red Kite Flies’ yn canolbwyntio ar y bobl ifanc sydd wedi’u magu ym mhentref eco Tir y Gafel a’r ardal gyfagos yn Sir Benfro.

Mae Amanda wedi bod yn tynnu lluniau o’r pentref eco ers 2010. Rhwng 2013 a 2021 creodd ei chyfres ‘To Build A Home’ a gafodd ei dangos yn Oriel Colwyn yr un pryd â’r ŵyl yn 2017. Roedd yn canolbwyntio ar y bobl a oedd yn byw yn y gymuned, a’r plant bryd hynny yw’r bobl ifanc sy’n rhan o ‘Where the Red Kite Flies’ heddiw.

Gyda dull cydweithio a chwareus, mae’r ffenestr hon i fyd bach yn dathlu ffordd o fyw llai confensiynol, lle mae gan bobl gysylltiad cryf â’r tir.

Mae un o’r bobl ifanc yn disgrifio byw yn y gymuned hon fel magwraeth mewn rhyfeddod gwledig.

Mae pob arddangosfa yn RHAD AC AM DDIM i ymweld â nhw.

www.amandajaxn.co.uk